მატარებლის ბილეთები და განრიგი

თუ მატარებლის გასვლამდე (საწყისი წერტილიდან) დარჩენილია:

არანაკლებ 15 საათისა – სამგზავრო დოკუმენტის (ბილეთის) სატარიფო საფასურიდან იქვითება სს „საქართველოს რკინიგზის“ საკომისიო - 2.50 ლარი, სერვისის საკომისიო და ტრანზაქციის საკომისიო.

15 სთ-ზე ნაკლები დრო (არაუმცირეს 4 საათისა) სატარიფო საფასურიდან იქვითება ბილეთის ღირებულების 15%; ასევე სს „საქართველოს რკინიგზის“ საკომისიო - 2.50 ლარი, სერვისის საკომისიო და ტრანზაქციის საკომისიო.

4 სთ-ზე ნაკლები დრო (არაუმცირეს 1 საათისა) სატარიფო საფასურიდან იქვითება ბილეთის ღირებულების 30%; ასევე, სს „საქართველოს რკინიგზის“ საკომისიო - 2.50 ლარი, სერვისის საკომისიო და ტრანზაქციის საკომისიო.

ბილეთის ღირებულებაში შედის არაუმეტეს 36 კგ ხელბარგი, რომლის ზომა სამი განზომილების ჯამით 180 სმ-ს არ აღემატება.

მატარებლის ნებისმიერი კლასის ვაგონით მგზავრობისას მგზავრს უფლება აქვს უფასოდ გადაიყვანოს პატარა ზომის შინაური ცხოველები/ფრინველები, თუ ისინი მოთავსებულნი არიან სპეციალურ კონტეინერებში (არ უნდა აღემატებოდეს 55X35X20 სმ-ს) და კონტეინერი არ იკავებს ცალკე სამგზავრო ადგილს. აუცილებელია თან იოქნიოთ ვეტერინარული მოწმობა

5-დან 10 წლამდე ასაკის ბავშვებზე გაიცემა საბავშვო ბილეთი

5 წლამდე ასაკის ბავშვმა რომ ისარგებლოს მატარებელში ცალკე ადგილით, აუცილებელია, რომ განახორციელოთ საბავშვო ბილეთის შეძენა.

საბავშვო ბილეთის შეძენა შესაძლებელია მხოლოდ თანმხლები პირის ბილეთთან ერთად. ბილეთის შეძენის დროს აუცილებლად უნდა შეავსოთ ბავშვის პირადი ნომერი.

ბავშვის მგზავრობისას აუცილებელია ვაგონის გამყოლისათვის დაბადების მოწმობის ან/და მისი ასლის ან/და პიროვნების დამადასტურებელი მოწმობის წარდგენა.

მატარებლით მგზავრობისთვის აუცილებელია თან იქონიოთ პირადობის დამადასტურებელი დოკუმენტი ან საერთაშორისო პასპორტი. სხვა შემთხვევაში მგზავრი მატარებელში არ დაიშვება