თბილისის სათავგადასავლო გარბენი ბრუნდება 2023 წლის ივენთით.

გარბენი ტარდება 23 აპრილს და მასპინძლობს თავგადასავლების ყველა მაძიებელს, გამოცდილ, მოყვარულსა თუ დამწყებ მორბენლებს. განწყობისა და მომზადების დონის მიხედვით შეგიძლია აირჩიო სამი გარბენიდან ერთ-ერთი:

- თრეილი: 21 კმ | 1,000 მ

- სპრინტი: 12 კმ | 500 მ

- სათავგადასავლო გარბენი: 6 კმ | 250 მ

გარბენს ტრადიციულად თბილისის მერიის მიერ მარკირებულ ბილიკებზე გავყავართ. სწორედ თბილისის მერიის მხარდაჭერით იმართება თბილისის სათავგადასავლო გარბენი, რომელსაც საქართველოს სამთო სირბილის ფედერაცია TRAILLAB-თან პარტნიორობით მართავს.

თბილისის სათავგადასავლო გარბენის საქართველოს საზღვრებს გარეთ პოპულარიზაციისთვის და სამთო სირბილის ენთუზიასტების გასახარად გარბენი სერტიფიცირებულია სამთო სირბილის საერთაშორისო ასოციაციის (ITRA) მიერ. ეს კი ნიშნავს იმას, რომ სრული დისტანციის ყველა ფინიშერი მიიღებს ITRA-ს ქულებს. გარბენი UTMB-ის საკვალიფიკაციოც არის.

დამატებითი განახლებული ინფორმაცია და გარბენის წესები გარბენის ვებ გვერდზეა: traillab.ge/tbilisi

Რეგისტრაცია: 08:00 - 09:30

ასაკობრივი შეზღუდვა: 18+