Art გენი

Art გენი

Art-გენი 2018-ის თბილისის ტური თბილისის ეთნოგრაფიულ მუზეუმში 8-15 ივლისს გაიმართება. წელს ფესტივალი მაყურებელს საინტერესო სიახლეებს სთავაზობს, მათ შორის იქნება, ჰიპ-ჰოპის დღე. ერთი კვირის მანძილზე დღის განმავლობაში ეთნოგრაფიულ მუზეუმში წარმოდგენილი იქნება ქართული ტრადიციული რეწვის გამოფენები. ტრადიციულად მოეწყობა  ჰამაკების და პუფების ზონა,  ასევე წარმოდგენილი იქნება ქართული სამზარეულო და სხვადასხვა ტიპის კრეატიული სივრცეები.  

#Artგენი2018 თბილისის პროგრამა
🎸8 ივლისი - ნინო ქათამაძე და ინსაითი 
ფოლკლორი: შიდა ქართლი, გურია – ანსამბლი „იადონი“ (ოზურგეთი)
🎸9 ივლისი - "Asea Sool”
ფოლკლორი: სამცხე-ჯავახეთი – ანსამბლი „მესხეთი“(ახალციხე) სამეგრელო

🎸10 ივლისი - ჰიპჰოპის დღე
ფოლკლორი: იმერეთი, აფხაზეთის დღე
🎸11 ივლისი - რობი კუხიანიძე და აუთსაიდერი
ფოლკლორი: სვანეთი – ანსამბლი „მიჟე ნარი“ (ლენტეხი. ჩოლური) ქვემო ქართლი

🎸12 ივლისი - ჯგუფიფრანი
ფოლკლორი: კახეთი – ანსამბლი „პატარა კახი“ (თელავი)
პანკისის ხეობა – ანსამბლი „პანკისი“; თუშეთი
🎸13 ივლისი - სუხიშვილები 
ფოლკლორი: რაჭა – ანსამბლი „ძირიანი“ ლეჩხუმი

🎸14 ივლისი - ჯგუფირეგიონი 
ფოლკლორი: აჭარა – ანსამბლი „ელესა“ (ქედა)
🎸15 ივლისი - ნიაზ დიასამიძე და 33
ფოლკლორი: მცხეთა-მთიანეთი, ლელა თათარაიძე
     

🎬
თბილისის ეთნოგრაფიული მუზეუმი
   

წლების
მანძილზე  ფესტივალმა Art-გენმა არაერთი ახალი ანსამბლის, ჯგუფის და მუსიკოსის ჩამოყალიბებას და განვითარებას შეუწყო ხელი. ცოცხალი და საავტორო მუსიკის პოპულარიზაციის ფარგლებში მისი დამსახურებით, არაერთი ნიჭიერი მუსიკოსი და ბენდი გაიცნო ფართო აუდიტორიამ. ბევრი ჯგუფისთვის და მომღერლისთვის ერთგვარ ტრამპლინადაც კი იქცა . ფესტივალი წელსაც საინტერესო სიახლეებს და დებიუტანტებს სთავაზობს მაყურებელს .
 

ფესტივალი
„Art-გენი“ 2004 წელს დაფუძნდა. ამ დროის განმავლობაში ფესტივალმა მთელი საქართველოს მასშტაბით, უნიკალური ეთნოგრაფიული მასალები მოიკვლია და დააარქივა. მათ შორის დაკარგვის პირას მყოფი, ბევრი უნიკალური მასალა. ფოლკლორის და თანამედროვე მუსიკის ერთ სივრცეში წარმოდგენით და სხვადასხვა ტიპის აქტივობებით Art-გენს ასევე მნიშვნელოვანი წვლილი მიუძღვის ახალგაზრდებში ფოლკლორის პოპულარიზაციის ხელშეწყობასა და რეგიონებში ფოლკლორული ანსამბლების განვითარების საქმეში. ერთ-ერთი პირველი ფესტივალი იყო, რომელმაც რეგიონულ ანსამბლებს თავისი შემოქმედების მთელი ქვეყნის მასშტაბით წარმოჩენის შესაძლებლობა მისცა და განვითარებისთვის მეტი მოტივაცია შეუქმნა.